joya_sitzend_15062019

Sälü, i bi d'JOYA


Es Baschterli würd mänge säge; aber i sälber bezeichne mi als Mix.

I mine Adere isch zum einte Bergamasker- u zum andere Bärner Senne-Bluet.


I bi keis Meitschi meh, sondern e veritabli Dame, wo genau weiss, was si wott. Und de bini e rächti Schwyzere, e richtigi Patrioti vo Geburt här: Mi Geburtstag isch dr erscht Ougschte.


Bis im April hani es schöns Deheime gha. Wien'es so geit im Läbe, het sech s'Läbe vo mine Lüt veränderet. Wie si's ou probiert hei z'dräie, es het ebe kei Platz meh für mi gha.


Miner Lüt hei mi de uf Ännetmoos brocht - is Paradiesli. Das isch s'Tierheim vom Tierschutz i dr Innerschwyz. Das han'i scho vo de Ferie här kennt.


Im Paradiesli hett's liebi Lüt. Die hei de alli ganz grossi Härz für üs Vierbeiner. Für Jedes wird sorgfältig glueget. Me nimmt sech Zyt für jedes einzelne - u de han'i mit de andere Hünd dörfe zäme sy und spile. I ha ou mis bequeme u rueige Plätzli gha.


Im Juni einisch si de miner nöie Lüt uftoucht. Über sächs Wuche hei mir üs regelmässig gseh und mir sy immer nächer zunen'and cho.


Am zwänzigschte Juli han'i du züglet und darf hie i mim nöie Deheim blybe.

© zangger OFFICE & MUSIC